كيف تقهرين اخوك(دروس تعليميه)ههههه

من طرف **قمر الزمان** الثلاثاء يناير 01, 2013 9:36 am

عندي دروس خطيره لا تفوتكم شوفو Very Happy

اللي مقهوره, واللي تبغا تنتقم , واللي تبغا ترفع ضغط اخوها تتبع هالخطوات والله يقويكم..... .
*** عند التلفزيون ***
لا صارت فيه مباراه , والاخ متحمس اقطعي هالحماس كيف؟!
انا اقولك ..
شوفي اذا صار مبقق عيونوا وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم , Very Happy

هنا بس تقومي بشغلك..
روحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,
لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..
واذا قال: ابعدي لااصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..
***عند النوم
لا صار التمساح يشخر.. نكدي عليه نومه كيف؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله
والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نخرج ..

اذا المزاج صفر***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه
بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب
المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير
عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههااي اهم شيء رفعت ضغطك وقومتك من جلستك
عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي سحليتي Twisted Evil

وقت الطقاق***
لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:
1/ اللبس: لازم تلبسين ترنق علشان يسهل الركض
2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,
وياليت يكون ذاك اليوم حاطه براسك حناء علشان مايتجرأ ويلمس شعر
3/ مفتاح الغرفه ولميه الاحتياط واجب
كيف تقهرين اخوك(دروس تعليميه)ههههه M7%20(55)

كيف تقهرين اخوك(دروس تعليميه)ههههه M7%20(55)

اذا بدت المعركه حطي راسك براسه ولا تبيني انك خايفه وبققي عيونك فيه وقوليله وش براسك عاد هو هنا بيقولك هذا اللي براسي طرااخ الا ومخمس مصفي طبلونه ,
لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
.
وعلى طل لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..
+:.+:.+:.+:.+:.+:.+:. Twisted Evil

:D

ارجو ان ينال اعجابكم منقول لي الامانه: